Evie Farrell ákvað að segja upp vinnunni og ferðast um heiminn með dóttur sinni eftir að náin vinkona hennar lést úr krabbameini aðeins 42 ára gömul. Þá áttaði Evie sig á því hvað lífið er stutt og í staðinn fyrir að eyða tveimur og hálfri milljón sem hún hafði safnað til að endurgera eldhúsið heima hjá sér ákvað hún að nota peninginn til að ferðast um heiminn með dóttur sinni.

„Vinkona mín lést úr krabbameini. Hún var frábær, yndisleg og falleg kona og átti tvö börn. Þetta var mikilvæg áminning hvað lífið er stutt og maður eigi að nýta það eins og maður getur,“

sagði Evie við Daily Mail Australia. Hún og sex ára gömul dóttir hennar lögðu af stað í heimsreisu í febrúar 2016 og eru ekkert á leiðinni heim á næstunni. Síðustu ellefu mánuði hafa þær heimsótt þrettán lönd, þar á meðal Indónesíu, Tæland, Bretland, Kína og Malasíu.

„Lífið er meira en að sitja á sama borðinu alla daga til að safna pening til að kaupa hluti. Við höfum ferðast í heilt ár með einn bakpoka og það er ekki möguleiki að ég ætli til baka í gamla lífið mitt núna.“

„Ég hugsaði að eftir tíu ár þá mun dóttir mín ekki þakka mér fyrir að setja upp glænýtt eldhús og baðherbergi heima hjá okkur. Hún mun þakka mér fyrir að fylla upp yngri ár hennar með stórkostlegum upplifunum og lærdómi.“

Þú getur fylgst með ferðalagi mæðgnanna á Instagram.