Fimmta bókin um Spæjarastofu Lalla og Maju eftir Martin Wildmark er komin út. Sögurnar henta vel fyrir krakka sem þurfa að æfa lesturinn því letrið er stórt og setningarnar stuttar. Spæjarar á aldrinum 6-10 ára lesa Ráðgátubækur Martins Wildmark aftur og aftur – í hvaða röð sem er.

Hvað er að gerast á listasafninu í Víkurbæ? Getur verið að egypska múmían hafi vaknað til lífsins eftir 3000 ár?  Dauðskelkaður næturvörður er vitni í málinu og segist hafa séð hana með eigin augum. Sömu nótt og múmían fer á stjá hverfur dýrmætasta málverk safnsins. Lalli og Maja ákveða að fara á safnið og kanna málið betur.

Íris Baldursdóttir þýddi.

Mál og menning gefur út.