„Nú lít ég út eins og leikkona í einhvers konar harmleik. Sem er reyndar nú ekki,“ segir Alexandra Briem, borgarfulltrúi, í nýjasta myndbandinu sínu á Instagram.

Alexandra er stödd um þessar mundir í borginni Marbella á Spáni. Hún fór í andlitsaðgerð þar fyrir viku síðan og hefur verið dugleg að leyfa fólki að fylgjast með ferlinu á Instagram.

Sjá einnig: Alexandra Briem jafnar sig eftir andlitsaðgerð: „Erfið nótt en samt gekk allt vel“

„Málið er að ég er með þau fyrirmæli að ég á að hylja hárið meira en samt ekki snerta það og þetta er mín tilraun til þess. Það er einhvern snerting en hún er allavega ekki þung. Það gengur annars bara mjög vel, okkur líkar brjálæðislega vel við nýja gistihúsið okkar, það er svona fimmfalt betra heldur en hitt,“ segir Alexandra.

„Á morgun fer ég í þvott upp á klíníkinni og þá skoða þeir þetta eitthvað nánar. Svo eru saumarnir teknir á þriðjudaginn.“

https://www.instagram.com/p/BzV20dtgC2J/

Fyrir tveimur dögum  síðan deildi Alexandra myndbandi þar sem hún sagði að batinn gengi vel.

„Batinn gengur mjög vel. Ég sé að bólgurnar undir augunum eru farnar að minnka mjög mikið,“ segir Alexandra.

https://www.instagram.com/p/BzSmHX0gDL9/

Alexandra mun svo fljúga til Íslands á miðvikudaginn. Fylgstu með henni á Instagram.