Hið árlega boðsgolfmót Globus hf. fór fram í blíðskaparveðri þann 26. júní síðastliðinn, á afmælisdegi forseta vors, en starfsmenn Globus notuðu einnig tækifærið og héldu upp á 70 ára afmæli fyrirtækisins. Afrekskylfingar öttu kappi við veitingamenn í blíðskaparveðri á Urriðavelli.

„Globus hefur haldið golfmót fyrir fagfólk í veitingageiranum í hartnær 26 ár,“ segir Kári Ellertsson, sölustjóri hjá Globus. Mótið fór fram á Urriðavelli, golfvelli golfklúbbs Odds og Oddfellow. „Við fengum marga af helstu afrekskylfingum okkar til liðs við okkur, ásamt því að bjóða samstarfsaðilum okkar úr hópi veitingamanna.“

Afrekskylfingarnir sáu um að leiða hvern ráshóp, ásamt því að keppa innbyrðis án forgjafar. Úr varð frábær golfdagur í góðum félagsskap í blíðskaparveðri.

Grænklæddur í golfi Veitingastaðurinn Níels Hafsteinsson eigandi Steikhússins lét sig ekki vanta og skemmti sér vel. Hér skálar hann við vínsérfræðinginn Þorleif ,,Tolla,, Sigurbjörnsson hjá Globus.

Golfgæjar Kári Ellertsson sölustjóri Globus og golfmeistarinn og kennarinn Sigurpáll Geir Sveinsson settu mótið og komu þáttakendum í rétta golfgírinn.

Góðar veitingar Hjónin Sveinn Sveinsson og Margrét Eiríksdóttir og Eiríkur Ingi Friðgeirsson veitingamaður á Holtinu njóta góðra veitinga að leik loknum. Par 3 veitingar, í eigu Nikulásar og Pálínu, sjá um veitingar í klúbbhúsinu Öðlingi.

Globusöldungar Samstarfsmennirnir Börkur Árnason framkvæmdastjóri og Kári Ellertsson sölustjóri hjá Globus eru elstu menn fyrirtækisins, bæði í árum og starfsaldri. Þeir eru líka liðtækir golfarar.

Gömlu félagarnir Sveinn Sveinsson, Trausti Víglundsson og Hafsteinn Egilsson, sem unnu saman á Hótel Sögu, færðu Globusmönnum góða gjöf. Þeir fóru einnig með gamanmál enda hafa þeir frá nógu að segja eftir áratuga störf í veitingaþjónustu. Þeir voru með þeim fyrstu til að skapa golfstemningu í veitingastéttinni, þar sem menn gátu notið þess að spila miðnæturgolf út á nesi eftir langar vaktir í Grillinu, Átthaga- og Súlnasal Hótel Sögu.

Golf-afrekskona Valdís Þóra Jónsdóttir sem spilar á Evróputúrnum tók á móti verðlaunum. Næsta golfmót hjá Valdísi er í Tælandi og síðan tekur hún stefnuna til Bandaríkjanna, þannig að það er nóg framundan hjá þessari afrekskonu.

Stefán Ingi Guðmundsson veitingastjóri á Apótekinu náði að knýja fram sigur í harðri keppni veitingamanna. Hann spilaði sinn besta leik og spurning hvort að það hafi hjálpað honum að spila með afrekskylfingi.

Golfþrenna Kristján Þór Einarsson Golfklúbbi Mosfellsbæjar gerði sér lítið fyrir og gerði best ofurkylfinga, setti vallarmet af gulum teigum 64 högg eða 7 höggum undir pari vallarins. Hann spilaði skrambalaust golf, með einn örn og fimm fugla. Keppnin var þó hörð því næst kom hinn ungi og efnilegi GR-ingur, Ingvar Andri Magnússon, á 66 höggum með sjö fugla og tvo skramba, 5 höggum undir pari vallarins.

Girnileg kaka að golfi loknu Þessi girnilega kaka var í boði fyrir golfara, enda Globus innflytjandi Camus koníaksins.