„Takk elsku vinir og stuðningsmenn fyrir að gera byrjunina á baráttunni svona skemmtilega,“ skrifar Áslaug Arna Sigurbjörnsdóttir, ritari Sjálfstæðisflokksins, á Facebook. Áslaug, sem gefur kost á sér í þriðja sæti í prófkjöri sjálfstæðismanna í Reykjavík, bauð til teitis í Víkinni í Sjóminjasafninu fyrir helgi. Prófkjörið fer fram þann 3. september. „Ég er eiginlega enn orðlaus eftir gærkvöldið, það hefði ekki verið hægt að byrja þetta betur en í þessum góða hóp. Takk fyrir komuna, takk fyrir að gleðjast með mér yfir framboðinu mínu og styðja ákvörðun mína. Ég hlakka mikið til komandi kosningabaráttu.“

Íbyggnir Karl Steingrímsson, kenndur við Pelsinn, og borgarfulltrúinn Halldór Halldórsson skrafa undir berum himni.

Tveir góðir Hægrimennirnir Óli Björn Kárason og Ingvi Hrafn Jónsson létu sig ekki vanta.

Systkinakærleikur Áslaug ásamt bróður sínum Magnúsi.

Tvær kynslóðir Birgir Ármannsson hefur setið á þingi í 13 ár. Hann getur vafalítið laumað nokkrum góðum ráðum að þingmannsefninu.