Knattspyrnugoðsögnin Kevin Keegan vakti mikla lukku í Silfurbergi á ráðstefnunni Business and Football. Þar sagði hann að Íslendingar myndu vinna EM í knattspyrnu. Raunar væri hann viss um það. „Ég veit ekki hvernig þið munuð fara að því en Ísland mun vinna,“ sagði hann. Þetta rataði í fyrirsagnir. Orðin féllu í kramið hjá stjórnmálamanninum Össuri Skarphéðinssyni. „Hvar er orðunefnd núna? – Fálkaorðu strax á þennan góða dreng!“
