Menningarkvöld Teits Magnússonar var haldið á skemmtistaðnum Húrra síðasta miðvikudagskvöld. Þangað mættu menningarmávar (e. culture vulture) í góðum gír enda voru þátttakendur í þessari menningarveislu, eðalblanda af áhugaverðu listafólki sem sumt hefur komið víða við.

Skáldin og rithöfundarnir Jón Gnarr, Kristín Eiríks, Dóri DNA, Oddný Eir og Fríða Ísberg voru meðal þeirra sem lásu upp úr nýútkomnum bókum sínum, en til að krydda kvöldið var vitanlega boðið upp á meiri fjölbreytni. Meðal annars mætti listakonan Kristín Anna og sýndi forvitnilegt skemmtiatriði, Ólafur Sverrir Traustason söng lag fyrir gestina og Haukur nokkur Valdimar framdi gjörning svo fátt eitt sé nefnt. Á milli lota steig svo hinn tilfinningaríki trúbador Mads Mouritz á svið, söng gæðalög á dönsku og spilaði undir á gítar.

Eins og sjá má á myndum fengu menningarmávarnir mikið fyrir sinn snúð enda fátt huggulegra í svartasta skammdeginu en að taka inn brakandi ferska menningu og fá sér kakóbolla, eða kannski rauðvínsglas, í leiðinni.

Glaðleg Snorri Helgason og Saga Garðarsdóttir.

Mynd: DV ehf / Sigtryggur Ari

Ólmir í menningu Eiður Möller og Ágúst Bent.

Mynd: DV ehf / Sigtryggur Ari

Huggaði sig Hugleikur Dagsson, skopmyndateiknari og menningarviti, huggaði sig á Húrra.

Mynd: DV ehf / Sigtryggur Ari

Spekingar spjalla Dóri DNA spjallar hér við Kristínu Eiríks og Kristínu Önnu.

Mynd: DV ehf / Sigtryggur Ari

Menningarmávar Fríða Ísberg, Þorvaldur Sigurbjörn Helgason og Brynjólfur Þorsteinsson.

Mynd: DV ehf / Sigtryggur Ari

Meiri menningu takk Vinkonurnar Emilía Walker og Heiða Karlsdóttir eru fastagestir á mörgum menningarviðburðum í miðbænum.

Mynd: DV ehf / Sigtryggur Ari

Dejlig Danski trúbadorinn Mads heillaði menn upp úr skónum.

Mynd: DV ehf / Sigtryggur Ari

Tók lagið Ólafur Sverrir Traustason söng lag fyrir gestina.

Mynd: DV ehf / Sigtryggur Ari

Svöl Kristín Eiríksdóttir hefur verið á menningarsenunni í mörg ár. Hún er þykir svalur rithöfundur.

Mynd: DV ehf / Sigtryggur Ari