Rodri, miðjumaður Manchester City hefur verið kærður af enska knattspyrnusambandinu vegna ummæla sem hann lét falla um dómara eftir 2-2 jafntefli gegn Tottenham fyrr í mánuðinum.
Hinn 29 ára gamli Rodri var ósáttur við að mark Dominic Solanke skyldi standa, en í aðdraganda marksins virtist framherjinn sparka í Marc Guehi.
„Ég veit að við höfum unnið of mikið og fólk vill ekki að við vinnum, en dómarinn verður að vera hlutlaus. Það er ekki sanngjarnt því við leggjum svo hart að okkur,“ sagði Rodri til að mynda.
Enska knattspyrnusambandið telur ummælin brjóta gegn reglum um gagnrýni á dómara. Rodri hefur frest til að svara kærunni og gæti átt yfir höfði sér sekt eða bann.
