Fjölmiðlakonan Valgerður Matthíasdóttir, best þekkt sem Vala Matt, hefur sett íbúð sína á Ásvallagötu 69 á sölu. 

Íbúðin er 62,5 fermetrar á fyrstu hæð í fjórbýlishúsi sem byggt var árið 1938.

Íbúðin er tekin í gegn og sérstaklega teiknuð og hönnuð af Völu sjálfri.

Íbúðin skiptist í anddyri, eldhús, stofu, borðstofu, svefnherbergi og baðherbergi.

Eldhúsinnréttingin er ný og sérhönnuð, teiknuð og smíðuð hjá fyrirtækinu Axis.Skápaplássið í eldhúsinu er alveg tvöfalt því allt er sérhannað og sérsmíðað þannig að hver sentimetri er nýttur og því er eins og um helmingi stærra eldhús sé að ræða. Blöndunartæki með rennandi vatni er beint fyrir ofan spanplöturnar frá Innréttingar og tæki. Í öðru blöndunartækinu er innbyggt sódavatnsstreymi þar sem hægt er að stilla á einfaldan hátt og fá sódavatn ískalt beint úr krananum. Í stærri krananum er hægt að stilla sjóðandi vatn beint úr krananum og bullsjóðandi beint í bollann. Sérstakar græjur og tæki fylgja með þessum einstöku krönum og eru þau í innréttingunni. Einnig er nýjung yfir spanhellunum þar sem er krani með rennandi vatni sem fer beint í pottinn eða ketilinn á suðuplötunni.

Stofan er björt með stórum gluggum, einn veggurinn er alveg þakinn speglum þannig að upplifunin í stofunni er eins og stofan sé helmingi stærri. Vala notar einnig spegla í eldhúsinnréttingunni sem tvöfalda upplifunina í borðstofunni.

Í svefnherberginu eru speglar sem tvöfalda upplifunina í herberginu.

Nánari upplýsingar um eignina má finna hér.