Gervigreindarfyrirtækið Astronomer hefur tilkynnt að forstjóri þess, Andy Byron, sé farinn í leyfi. Kemur tilkynningin í kjölfar svokallaðs Coldplay-hneykslið en framhjáhald forstjórans afhjúpaðist fyrir nær allri heimsbyggðinni eftir að svokallaðri „Kossavél“ hafði verið beint að Byron og ástkonu hans í faðmlögum, á tónleikum hljómsveitarinnar, en Byron er giftur fjölskyldufaðir.
„Annað hvort eru þau að stunda framhjáhald eða þá að þau eru bara mjög feimin,“ sagði Chris Martin, söngvari Coldplay, hlæjandi, vegna viðbragða parsins við myndatökunni, en þau voru vægast sagt fálmkennd.
Ástkonan, Kristin Cabot, er ógift, en hún starfar sem mannauðsstjóri hjá fyrirtækinu. Eiginkona Andy Byron heitir Megan Kerrigan Byron, en fljótlega eftir að málið fór á flug í fjölmiðlum og samfélagsmiðlum lokaði hún öllum samfélagsmiðlareikningum sínum.
Sjá nánar um málið á Metro.
