Einstaklega sjarmerandi einbýlishús við Öldugötu í miðbæ Reykjavíkur er til sölu. Það er óskað eftir tilboði í eignina en fasteignamat er 139,7 milljónir.

Húsið var byggt árið 1928, er á þremur hæðum og 230 fermetrar að stærð. Það er vel skipulagt og mikið endurnýjað.

Eignin stendur á glæsilegri lóð með afgirtum garði sem snýr til suðurs.

Þorleifur Eyjólfsson húsameistari teiknaði húsið. Þorleifur teiknaði fjölda húsa og kom fram með merkar nýjungar í reykvískri húsagerð á árunum 1925-1932 og má segja að hann hafi innleitt straumlínulagið í íslenskan arkitektúr þess tíma.

Lestu nánar um eignina og skoðaðu fleiri myndir á fasteignavef DV.