Denzel, sem er orðinn sjötugur, lenti þá í orðaskiptum við ljósmyndara sem virtist sýna aðeins of mikla ákefð í störfum sínum að mati leikarans.
Leikarinn sást meðal annars benda fingri að ljósmyndaranum og segja nokkur vel valin orð við hann. Eitthvað sem ljósmyndarinn gerði virðist hafa farið fyrir brjóstið á Denzel og hefur Mail Online nú fengið varalesarann Jeremy Freeman til að varpa ljósi á orðaskiptin.
Segir Freeman að Denzel hafi verið óánægður með að ljósmyndarinn hafi snert hann eða gripið í handlegg hans.
„Leyfðu mér að segja þér eitt – hættu, hættu – ekki snerta mig aftur,“ virðist leikarinn segja við ljósmyndarann. Ljósmyndarinn virtist ekki kippa sér mikið upp við þetta og glotti framan í leikarann. „Ég er að tala við þig, hættu, ókei,“ segir Denzel þá.“
Ljósmyndarinn virðist segja „já, já, já“ áður en hann grípur aftur í leikarann og spyr hvort hann megi taka mynd. Á þeim tímapunkti virðist Denzel fá sig fullsaddan og öskrar til baka: „Hættu þessu, hættu þessu, hættu þessu. Ég meina það. Hættu, hættu þessu.“
Highest 2 Lowest hefur verið beðið með talsverðri eftirvæntingu en myndinni er leikstýrt af Spike Lee. Um er að ræða einskonar endurgerð af mynd japanska meistarans Akira Kurusawa, High and Low, frá árinu 1963. Myndin kemur í almennar sýningar í ágúst.
