Umdeildi rapparinn Azelia Banks hefur nú viðurkennt að hafa logið þegar hún lýsti yfir stuðning við forsetaframbjóðandann Kamölu Harris.
„Ég laug, ég kaus Trump í gær,“ skrifaði hún á X, áður Twitter.
Lmao I lied, I voted for Trump yesterday 🤣 pic.twitter.com/pYPGsMETJn
— Azealia Banks (@azealiaslacewig) November 6, 2024
Fyrr í vikunni kom Banks aðdáendum sínum á óvart þegar hún sagðist ætla að kjósa Harris í komandi kosningum.
„Ég ætla að kjósa Kamölu Harris á morgun því Elon Musk á ekkert erindi í bandarísk stjórnmál. Endir.“
Elon Musk og Donald Trump virðast vera orðnir góðir vinir og er Musk sagður hafa verið með Trump þegar niðurstöður kosninganna lágu fyrir.
Saga Azeliu Banks og Elon Musk nær nokkur ár aftur í tímann. Árið 2018 sagðist Banks hafa eytt nokkrum furðulegum dögum heima hjá Musk í Los Angeles. Hún sagðist hafa verið heima hjá honum að bíða eftir þáverandi kærustu hans, tónlistarkonunni Grimes, en þær ætluðu að búa til tónlist saman.
Banks fór hörðum orðum um parið á samfélagsmiðlum.
En þeir sem hafa fylgt Banks á X undanfarna mánuði ættu ekki að vera hissa að hún hafi kosið Trump.
