Ástsæla leikkonan Jennifer Aniston veitti aðdáendum sjaldséða innsýn í einkalíf sitt með því að birta skemmtilegar myndir á samfélagsmiðlum.
Hún er ekki vön því að birta slíkar myndir en fylgjendum hennar til mikillar gleði birti hún nokkrar persónulegar á Instagram á dögunum.
Það mætti segja að þetta hafi verið algjör myndaveisla. Það var bílaselfí, hundamyndir og vinamyndir. Það var meira að segja speglamynd af henni og einkaþjálfara hennar, Dani Coleman, eftir æfingu.
Það sem fólk er að lesa úr þessari myndasyrpu er að Jennifer Aniston, 55 ára, forgangsraðar tíma með ástvinum en hugsar einnig um heilsuna.
„Ég drekk mikið vatn, hreyfi mig daglega, reyni að borða ferskan mat og sofa eins mikið og ég get,“ sagði leikkonan við CR Fashion Book síðasta haust. „Ég reyni líka að vera mjög meðvituð um hverju ég leyfi að taka pláss í höfðinu mínu.“
Aðdáendum leikkonunnar þótti ekki leiðinlegt að fá smá innsýn í líf hennar. Færslan hefur fengið yfir þrjár milljónir „likes“ og rúmlega ellefu þúsund manns hafa skrifað athugasemd við hana.
Sjáðu allar myndirnar hér að neðan, prófaðu að endurhlaða síðuna ef þú sérð ekki færsluna.
View this post on Instagram
