fbpx
Miðvikudagur 08.maí 2024
Fókus

Krabbamein Katrínar gæti markað kaflaskil í samskiptum bræðranna

Fókus
Laugardaginn 23. mars 2024 18:30

Ekki missa af Helstu tíðindum dagsins í pósthólfið þitt

Lesa nánar

Prinsessan Katrín Middleton berst nú við krabbamein sem fannst óvænt þegar hún gekkst undir aðgerð í byrjun árs. Frá þessu greindi prinsessan í gær.

Margir hafa haft áhyggjur af heilsu prinsessunnar undanfarið, enda þótti hún taka sér óvenjulangan tíma frá störfum til að jafna sig eftir aðgerð sem upphaflega var sögð minniháttar. Konungsfjölskyldan hélt spilunum nærri sér og gaf lítið upp annað en að prinsessan væri á batavegi eftir ótilgreindan heilsubrest og væri í veikindaleyfi fram yfir páska.

Samsæriskenningar fóru fljótlega á flug og hafa undanfarna daga náð nýjum hæðum. Þar var haldið fram að Katrín væri í raun horfin og konungsfjölskyldan að leyna því, eða að Katrín hefði gengist undir lýtaaðgerð eða að prinsessan væri hreinlega dáin en til stæði að leyna andláti hennar með því að fá tvífara til að taka að sér hlutverk prinsessunnar til frambúðar.

Ekki hjálpaði til þegar Katrín birti mynd af sér og börnum sínum í tilefni mæðradagsins, en augljóslega hafði verið átt við myndina í myndvinnsluforriti. Hver dagur sem leið án viðbragða frá höllinn gaf samsæriskennngum byr undir vængi. Forvitnin varð svo mikil að svo virðist sem að ónefndur heilbrigðisstarfsmaður hafi ákveðið að brjóta alvarlega gegn starfsskyldym sínum með því að fletta upp sjúkraskrá prinsessunnar í leyfisleysi

Loks í gær steig Katrín fram þar sem hún sagði heiminum í myndbandi að hún hafi greinst með krabbamein. Hún sagðist óska eftir frið og rými á meðan hún tekst á við þessa áskorun. Einvala lið lækna haldi vel utan um mál hennar en eðlilega reyni veikindin fyrst og fremst á börn Katrínar.

Stuðningi hefur rignt yfir prinsessuna í kjölfarið frá venjulegu fólki, stjórnmálafólki sem og stjörnum.

Auðvitað hafa hertogahjónin Harry og Meghan sent formlega yfirlýsingu þar sem þau óska Katrínu góðs bata og segjast vona að breska konungsfjölskyldan fái að ganga í gegnum þessa baráttu í friði og einrúmi.

TMZ greinir frá því að Harry hafi þó vissulega haft beint samband við fjölskylduna, en ekki liggur fyrir hvort hann hafi aðeins gert tilraun til þess, eða í raun tekist að ná í Katrínu eða bróður sinn, Vilhjálm.

Miðilinn segir að tíðindin hafi komið flatt upp á hertogahjónin sem líklega hafi frétt þetta á sama tíma og allir aðrir.

Sérfræðingar í málefnum konungsfjölskyldunnar telja að krabbamein Katrínar geti verið kaflaskil í samskiptum prinsanna og bræðranna Harry og Vilhjálms og hjálpað þeim að grafa stríðsöxina eftir allt sem á undan hefur gengið síðan Harry ákvað að segja skilið við konunglegar skyldur sínar og ræða einkamálefni fjölskyldunnar tæpitungulaust á opinberum vettvang.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Best klæddu stjörnurnar á Met Gala 2024

Best klæddu stjörnurnar á Met Gala 2024
Fókus
Fyrir 2 dögum

Ragnhildur segir þetta vera stórkostlega ofmetið fyrir fitutap – Gerðu þetta í staðinn

Ragnhildur segir þetta vera stórkostlega ofmetið fyrir fitutap – Gerðu þetta í staðinn
Fókus
Fyrir 2 dögum

Einar Ágúst þurfti að endurskoða líf sitt eftir að hafa greinst með alvarleg veikindi í fyrra

Einar Ágúst þurfti að endurskoða líf sitt eftir að hafa greinst með alvarleg veikindi í fyrra
Fókus
Fyrir 2 dögum

„Ég hugsaði um að draga mig út þegar stríðið á Gaza braust út en á sama tíma vildi ég taka pláss og nota röddina mína“

„Ég hugsaði um að draga mig út þegar stríðið á Gaza braust út en á sama tíma vildi ég taka pláss og nota röddina mína“
Fókus
Fyrir 3 dögum

Alexandra Helga og Gylfi eiga von á öðru barni

Alexandra Helga og Gylfi eiga von á öðru barni
Fókus
Fyrir 3 dögum

Svona líta svíturnar í skemmtiferðaskipunum út – Skópússun og einkabrytar

Svona líta svíturnar í skemmtiferðaskipunum út – Skópússun og einkabrytar
Fókus
Fyrir 5 dögum

Sjónvarpssería um ævintýralegan feril Jósafats Arngrímssonar

Sjónvarpssería um ævintýralegan feril Jósafats Arngrímssonar
Fókus
Fyrir 5 dögum

Katrín og Vilhjálmur að „ganga í gegnum helvíti“

Katrín og Vilhjálmur að „ganga í gegnum helvíti“