Kírópraktorinn, áhrifavaldurinn og athafnamaðurinn Guðmundur Birkir Pálmason, betur þekktur sem Gummi Kíró, sprengdi nánast internetið þegar hann birti myndir af sér nærbuxunum einum klæða.

Hann segir í Fókus, spjallþætti DV, að það hafi ekki verið óvart, heldur hafi það verið ætlun hans enda hafi hann verið að kynna nýja vörumerki hans, Autumn Clothing, og fyrstu flíkina, nærbuxur.

Gummi segir að hann hefur alltaf haft áhuga á samfélagsmiðlum og markaðssetningu.

„Alltaf þegar fólk er að gagnrýna mann fyrir eitthvað, það er alltaf ástæða fyrir því. Ég geri ekki neitt bara út af einhverju. Ef ég vek athygli þá er ég að reyna að vekja athygli,“ segir hann.

„Þess vegna fór ég sjálfur í þessa myndatöku og þess vegna hafði ég svona mikið fyrir því að þora að vera á nærbuxunum. Ég vissi að þetta myndi vekja einhverja athygli sem var skemmtilegt og ég hef bara fengið góð viðbrögð sem betur fer.“

Athafnamaðurinn segir frá upphafi Autumn Clothing og myndatökunni frægu í spilaranum hér að ofan.

Horfðu á þáttinn í heild sinni hér, eða hlustaðu á hann á Spotify.