„Við erum algjörlega niðurbrotin yfir fráfalli Matthew. Við vorum meira en bara samstarfsfélagar, við erum fjölskylda,“ sögðu Jennifer Aniston, Lisa Kudrow, David Schwimmer, Courteney Cox og Matt LeBlanc í yfirlýsingu til People. Þau léku aðalhlutverkin í vinsælu þáttunum Friends ásamt Perry.
„Það er svo mikið að segja, en núna ætlum við að taka smá tíma til að syrgja og vinna úr þessum óskiljanlega missi. Við munum tjá okkur meira með tímanum, þegar við getum það. En núna er hugur okkar hjá fjölskyldu Matty, vinum hans og þeim sem elskuðu hann um allan heim.“
Sjá einnig: Dánarorsök Matthew Perry – Veröldin syrgir vin
Leikarinn fannst látinn á heimili sínu á laugardaginn eftir að hafa drukknað í nuddpotti. Dánarorsök er óljós og hefur verið frestað niðurstöðu krufningar þar til niðurstöður eiturefnarannsóknar liggja fyrir.
Sjá einnig: Síðustu myndirnar af Matthew Perry – Virtist afslappaður með vini sínum
