Í vikunni var tilkynnt að hljómsveitin Backstreet Boys væri væntanleg til landsins í lok apríl og það má segja að það hafi í raun vakið meiri usla í samfélaginu en verkfall bílstjóra Olíudreifingar.
Eva Ruza gleðigjafi með meiru beið ekki boðanna þegar hún heyrði fréttirnar enda mikill aðdáandi hljómsveitarinnar. Hún ferðast núna með pappaútgáfu af hljómsveitarmeðlimum í fullri stærð og kynnir þá fyrir áhugaverðum stöðum á höfuðborgarsvæðinu. Ólíklegt er að ímynda sér að til sé meiri aðdáandi hljómsveitarinnar en Eva sem fór ásamt vinkonum sínum og sá sveitina á tónleikum í Barcelona síðastliðið haust.
View this post on Instagram
Fer yfir planið í hlaðvarpi Einars Bárðar
Eva Ruza er gestur Einars Bárðar í hlaðvarpinu Einmitt í þessari viku. Hún er fjölmiðlakona, skemmtikraftur og áhrifavaldur en fyrst og síðast gleðigjafi. Þau ræða um Backstreet Boys og feril sveitarinnar fram og til baka, Króatíu, missinn, og gjöfina að gleðja sem er ekki öllum gefin.
Fyrstu tónleikar Backstreet Boys í Hallgrímskirkju
Á meðal þeirra staða sem Eva kynnti fyrir drengjunum um helgina voru Smáralind, Perlan og Hallgrímskirkja. Hún aðstoðaði meðal annars pappaútgáfuna af Backstreet Boys við að halda tónleika í toppnum á Hallgrímsskirkju turni. Eva veit sem er að það eru fyrstu tónleikar Backstreet „pappa“ Boys í Hallgrímsirkju turni og hún er fullviss um að það séu líka fyrstu popptónleikar í turninum frá byggingu turnsins.
View this post on Instagram
Eva sló fyrst í gegn sem kynnir í Color Run sumarið 2015 og síðan þá hefur stjarna hennar risið jafnt og þétt. Þau Einar ræða feril Evu í sjónvarpi, útvarpi og á samfélagsmiðlum og hvernig hún sér hlutverk sitt í gegnum þessa þræði. Eva og Hjálmar Örn Jóhannsson skemmta mikið saman, reyndar svo mikið að sumir halda að þau séu par en það er nú ekki svo. Hún er gift Sigurði Þór Þórssyni sem stýrir Svartakaffi, kaffihúsinu sem fjölskyldan á og eiga þau tvíbura, son og dóttur.
