Áhrifavaldarnir Sunneva Einarsdóttir og Hildur Sif Hauksdóttir gerðu sér lítið fyrir og endurgerðu frægar bikinímyndir raunveruleikastjarnanna og systranna Kim Kardashian og Kylie Jenner.

Um helgina birti Kim nokkrar myndir af þeim systrum þar sem þær stilltu sér saman upp á sólbekk.

„Twin souls,“ skrifaði Kim með myndunum á Instagram, sem hafa slegið í gegn og fengið yfir fjórar milljónir „likes.“

Sunneva og Hildur eru staddar á Gran Canaria með áhrifavaldahópnum LXS og virðast vera að njóta sín í botn ef marka má myndirnar sem vinkonurnar hafa verið duglegar að birta á miðlunum sínum.

Sjá einnig: Áhrifavaldadrottningar Íslands lögðu land undir fót til að sleikja sólina

Þær birtu nokkrar myndir þar sem þær endurgerðu myndir Kim og Kylie og skrifuðu með: „Twin bestie.“

„Kim og Kylie who,“ skrifaði fyrrverandi fegurðardrottningin og athafnakonan Tanja Ýr Ástþórsdóttir við færsluna.

„Sláið alveg við Kim og Kylie Jenner systrum,“ skrifaði einn fylgjandi.