Gamalt viðtal við Adam Levine frá árinu 2009 hefur verið dregið aftur fram í sviðsljósið en það eru ummæli hans um framhjáhald sem eru í brennideplinum.

Það hefur farið framhjá fáum að Adam Levine, söngvari Maroon 5, hefur verið talsvert í fréttum þessa vikuna.

Sjá einnig: Framhjáhaldið sem skekur Hollywood – Adam Levine rýfur þögnina og aðrar stjörnur blanda sér í málið

Þetta byrjaði á því að Instagram-fyrirsætan Sumner Stroh sagðist hafa átt í áralöngu ástarsambandi við hann. Í kjölfarið stigu fleiri konur fram og sögðust hafa átt í daðurslegum eða kynferðislegum samskiptum við hann á samfélagsmiðlum. Adam þvertók fyrir að hafa haldið framhjá eiginkonu sinni, fyrirsætunni Behati Prinsloo, en viðurkenndi að hann hafi „stundum átt óviðeigandi“ samskipti við aðrar konur á netinu.

Sjá einnig: Skandallinn vindur upp á sig – Fleiri fyrirsætur stíga fram og birta svakaleg skjáskot

Ummæli um framhjáhald

Nú er gamalt viðtal Cosmopolitan við söngvarann að fara eins og eldur í sinu um netheima, en í því viðurkennir hann að hafa haldið framhjá.

Aðspurður af hverju karlmenn halda framhjá sagði hann að það væri ekki „náttúrulegt“ að vera í sambandi með einni manneskju.

„Einkvæni er ekki í erfðaefni okkar. Fólk heldur framhjá. Ég hef haldið framhjá. Og veistu hvað? Það er engin verri tilfinning en að gera það,“ sagið hann árið 2009.

Sjá einnig: Fyrrverandi jógakennari Adam Levine segir skilaboð frá honum hafi leitt til heimilisofbeldis

Saman í áratug

Adam og Behati hafa verið saman síðan árið 2012 og gift síðan 2014. Þau eiga von á sínu þriðja barni saman en fyrirsætan greindi frá því aðeins þremur dögum áður en allt sprakk.

Fjölskylduvinur þeirra sagði í samtali við E! News að Behati sé í uppnámi en trúir eiginmanni sínum um að ekkert líkamlegt hafi gerst milli hans og Sumner Stroh. Til þessa hefur hún ekki tjáð sig sjálf opinberlega um málið.