Þau sem dreymir um hið klassíska úthverfa líf langar líklega mörgum að komast út úr látunum og óreiðunni sem oft einkennir miðsvæðið á höfuðborgarsvæðinu. Nú er komið á sölu snoturt raðhús á Völlunum í Hafnarfirði að sem gæti verið til þess fallið að láta úthverfadrauma fólks rætast.

Ráðhúsið er á tveimur hæðum með innbyggðum bílskúr og er skráð stærð eignarinnar 222,4 fermetrar. Lýsing eignarinnar í fasteignaauglýsingu er eftirfarandi:

„Um er að ræða fallegt raðhús á tveimur hæðum með fallegum innréttingum. Anddyri með flísum, hol með flísum, stór stofa/borðstofa með rúmgóðu eldhúsi, falleg innrétting, flísalagt gólf. Útgengt út á stóra timburverönd í suður, heitur pottur og glæsileg lýsing, garðurinn er vel búin af gróðri. Opinn fallegur stigi milli hæða, á efri hæð eru þrjú rúmgóð svefnherbergi með parketi, stórir skápar, rúmgott þvottahús með innréttingu, sjónvarpshol er stórt og auðvelt  að breyta því í fimmta svefnherbergið. Stórt baðherbergi, flísalagt með bæði sturtu og kari. Innbyggður bílskúr með innangengt í íbúðarrými. Fyrir framan húsið er gott plan og lítill garður.“ 

Á myndunum má sjá að önnur raðhús í sömu götu hafa mörg byggt pall yfir allan garðinn. En þessi úthverfadraumur sker sig úr þar sem pallur er aðeins á hluta lóðar og má þar einnig finna gróður og gras. Þetta gerir það að verkum að garðurinn er sérlega aðlaðandi og ekki skemmir fyrir að þar má finna heitan pott með skjólvegg. Þegar dimma tekur nýtur garðurinn sín jafnvel enn betur þar sem hann er búinn hlýlegri og skemmtilegri lýsingu.

Ásett verð er 128,7 milljónir en nánar má lesa um eignina á Fasteignavef DV