Eflaust dreymir marga um að geta unnið heima hjá sér, eða í næsta nágrenni við heimilið til að spara þennan tíma sem það tekur gjarnan að koma sér í vinnuna. Því er nú hægt að grípa einstakt tækifæri í Hveragerði þar sem nú er hægt að kaupa einbýlishús ásamt gróðurhúsi, verslunarhúsnæði, aukaíbúð og tvöföldum bílskúr.
Húsin standa við Breiðumörk í hjarta Hveragerðis og eru næg bílastæði við húsin enda hefur verslunin Blómaborg verið rekin í hluta eignarinnar undanfarið.
Íbúðarhús, ásamt tvöföldum bílskúr og aukaíbúð eru alls 237,9 fermetrar og gróðurhús ásamt verslun eru 577,1 fermetrar.
Ásett verð fyrir allan pakkann er 165,9 milljónir
Frekari upplýsingar ásamt teikningum sem sýna skipulag húsanna má finna á Fasteignavef DV
