Þegar þú færð blóðnasir eru eðlileg viðbrögð að halla höfðinu aftur og halda fyrir nefið með því að grípa um það efst. Jafnvel stinga pappír eða bómull upp í nös. Þetta er þó ekki það sem á að gera þegar börn fá blóðnasir, þvert á móti getur þetta verið stórhættulegt fyrir börn.
Þetta segir Nikki, fyrrum sjúkraflutningakona, á Instagram-síðu sinni, tinyheartseducation. Með því að halla haus þeirra aftur þá er mikil hætta á að blóðið fari niður í maga og þá gæti barnið byrjað að æla eða kafna. Þess vegna er betra að halla haus þeirra fram og leyfa blóðinu að leka þangað til bómull er komið fyrir í nefi þeirra.
View this post on Instagram
Nikki er með tæplega hundrað þúsund fylgjendur á síðu sinni þar sem hún deilir því meðal annars hvernig sé best að bregðast við þegar eitthvað skeður við barnið þitt og frá því hvernig hún elur sín börn upp. Hún ræðir til að mynda hvað skal gera þegar barn kafnar, hvaða matur sé hollur fyrir börn og almenn ráð við uppeldi barna.
