Allir og amma þeirra virðast vera að missa sig yfir kynlífsdagatali Blush fyrir jólin. Ef þú fylgist með íslenskum áhrifavöldum þá hefur þetta dagatal örugglega ekki farið framhjá þér.

Fjölmargir auglýsa dagatalið, meðal annars hafa áhrifavaldarnir Birgitta Líf, Camilla Rut, Tanja Ýr, Manuela Ósk, Gréta Karen, Hafdís BK og Rakel Orra auglýst það á samfélagsmiðlum.

Svo hefur athafnamaðurinn Simmi Vill, sem er svo sannarlega einnig orðinn áhrifavaldur, einnig sýnt frá innihaldi dagatalsins á Instagram.

Margir kaupa dagatalið og ætla að láta koma sér á óvart á hverjum degi í desember fram að jólum. En fyrir forvitna sem vilja vita hvað leynist í dagatalinu geta þeir séð það hér að neðan.

Gerður Huld Arinbjarnardóttir, eigandi Blush, opnar alla gluggana í myndbandinu hér að neðan.

DV greindi frá því fyrr í vikunni að tíu tonn af kynlífstækjum og kynlífsdagatölum væru komin til landsins og önnur tíu á leiðinni. Dagatalið kostar 24.990 krónur.