Lesbískt par fær reglulega hvimleiða spurningu um hvort þær séu mæðgur, þó svo að það sé aðeins rétt rúmlega ár á milli þeirra.

Whitney Bacon-Evans, 33 ára, og eiginkona hennar Megan, 34 ára, segjast fá þessa spurningu mjög oft og það er alltaf jafn vandræðalegt þegar ókunnugt fólk heldur að Megan sé móðir Whitney.

Whitney og Megan eru áhrifavaldar í fullu starfi og búa í Bretlandi. Þær nota nú þessar pínlegu uppákomur sem efni í fyndin myndbönd á samfélagsmiðlum.

Hjónin eru afar vinsæl á TikTok með um tvær milljón fylgjendur á miðlinum.

Í samtali við LadBible ræðir Whitney um hversu vandræðalegt það er þegar fólk heldur að hún sé dóttir eiginkonu sinnar. „Ég er 33 ára kona. Ég vil líta út eins og kona,“ segir hún.

„Fyrir um mánuði síðan bankaði sendill að dyrum og ég svaraði. Ég var ekki með neinn farða. Hann spurði mig hvort mamma mín væri heima.“

Whitney segir að athugasemdirnar hafa meiri áhrif á eiginkonu sína en hana. Hún segir að þær fá að heyra þetta allt að fimm sinnum í viku. „Ég vorkenni Megan því ég veit að innst inni truflar þetta hana. Það er vandræðalegt að þurfa að svara: „Nei, við erum hjón.““

Megan tekur undir sama streng og viðurkennir að þetta kemur henni í uppnám.

Þær reyna þó að líta á spauglegu hliðina og gera grín að þessu á TikTok. Þú getur fylgst með þeim hér.