Leikaraparið Þuríður Blær Jóhannsdóttir og Guðmundur Felixson birtu í síðustu viku skemmtilegt myndband á Facebook. Þau sungu um COVID og var þetta tilraun þeirra til að fá að semja lokalagið í Áramótaskaupinu.
Sjá einnig: Reyna við skaupið
Þuríður Blær og Guðmundur eignuðust einnig sitt fyrsta barn í júní síðastliðnum. DV lék forvitni á að vita hvernig þau eiga saman ef litið er til stjörnumerkjanna. Þuríður Blær er Steingeit og Guðmundur er Hrútur.
Merkin eru afar ólík en það getur verið góður kostur. Stærsti munurinn á þeim er að Hrúturinn vill æða úr einu í annað en steingeitin vill fara rólega í hlutina. Þau læra hvort af öðru. Hrúturinn elskar að byrja á verkefnum og Steingeitin verður alltaf að klára öll verkefni áður en hún byrjar á næsta. Fullkomin blanda! Það getur verið spenna á milli þeirra og kemur fyrir að þau læsa hornum eins og gerist oft hjá Hrútnum og Steingeitinni, en þau leysa það með því að sýna sitt sanna eðli.
Þau eru bæði metnaðarfull, sjálfsörugg og ástríðufull. Ef allt gengur upp þá erum við að tala um svakalegt ofurpar sem aðrir dá og dýrka.
16. janúar 1991
Steingeit
6. apríl 1990
Hrútur
