Fyrirsætan og áhrifavaldurinn Amber Rose var gestur í hlaðvarpsþættinum No Jumper á dögunum. Þar fór hún hörðum orðum um fyrrverandi kærasta sinn rapparann og forsetaframbjóðandann Kanye West. Rose vill meina að undanfarin 10 ár hafi West lagt sig í einelti og líkir honum við núverandi Bandaríkjaforseta Donald Trump.
Kanye West hefur undanfarin ár farið ófögrum orðum um Amber Rose. Hann hefur til að mynda kallað hana vændiskonu og haldið því fram að hann hafi þurft að fara í 30 sturtuferðir eftir að þau hættu saman. Við því segir Rose:
„Hann kallaði mig vændiskonu, tíu árum eftir sambandsslitin. Láttu mig bara í friði, því ég er ekki að bögga þig.“
Þá sagði hún einnig að West væri alveg eins og Donald Trump, og líkti þeim við tvíbura. Það kemur Rose ekki á óvart þegar að Kanye styður Trump.
„Það kemur mér ekki á óvart að hann elski Trump. Þeir eru eins og tvíburar. Þeir eru bókstaflega sama manneskjan.“
„Þeir eru alveg eins. Stundum segir Trump eitthvað og ég hugsa með mér „Guð minn góður, þetta er Kanye. Þetta er hann,“ Hann sér eflaust sjálfan sig í Trump og þess vegna styður Kanye hann Trump, geri ég ráð fyrir.“
Hér má hlusta á hlaðvarpsþáttinn í heild sinni: