Tanja Ýr Ástþórsdóttir, áhrifavaldur, fyrirtækjaeigandi og fyrrverandi fegurðardrottning, varar við vafasömum einstaklingi á stefnumótaforritinu Tinder.

Einhver óprúttin aðili siglir undir fölsku flaggi og þykist vera hún á miðlinum. Tanja Ýr greinir frá þessu í Instagram Story.

„Ég er ekki á Tinder,“ segir Tanja Ýr og birtir skjáskot af Tinder-prófíl viðkomandi. Manneskjan hefur notað nafn hennar ásamt nokkrum myndum af henni.

„Vildi setja þetta hér inn þar sem svona getur verið svo varasamt. Maður veit aldrei hver er á bakvið þessa miðla þegar svona „fake“ profile er settur upp,“ segir Tanja Ýr.

Tanja Ýr er ekki fyrsti íslenski áhrifavaldurinn til að lenda í þessu, en bæði Sunneva Einars og Birgitta Líf hafa sagt svipaða sögu.

Sjá einnig: Sunneva blæs á kjaftasögurnar

Í mars 2019 leiðrétti Sunneva misskilning á Instagram, en margir höfðu spurt hana hvort hún væri lesbía. Einhver óprúttinn aðili hafði notað mynd af Sunnevu á stefnumótaforritinu HER, sem er fyrir hinsegin konur.

Sjá einnig: Ekki í fyrsta skipti sem Birgitta Líf lendir í þessu

Birgitta Líf sagði frá því í september að hún hefur nokkrum sinnum lent í því að fólk noti hennar myndir á Tinder en noti annað nafn.

„Er btw ekki á neinum svona miðlum. Hef fengið svona sent áður bæði með fake nafni og undir „mínu“ nafni,“ skrifaði Birgitta Líf.