fbpx
Þriðjudagur 04.ágúst 2020
Fókus

Íslendingar í fótóspor frægra – Bert hold og húmor – Sjáið myndirnar

Fókus
Sunnudaginn 1. september 2019 21:00

Ekki missa af Helstu tíðindum dagsins í pósthólfið þitt

Lesa nánar

Landsþekktir Íslendingar hafa stundað það síðustu ár að endurgera myndir stjarnanna til að hafa dýpri vísun í myndum í dagblöðum, tímaritum eða söluvarningi. Hér eru nokkrar af vel heppnuðu endurgerðunum að mati DV.

Braut internetið

Internetið nötraði, og í raun brotnaði, þegar að forsíða tímaritsins Paper var frumsýnd árið 2014. Um var að ræða sögufræga mynd af raunveruleikastjörnunni Kim Kardashian þar sem hún beraði sinn heimsfræga bossa. Hönnuðurinn og frumkvöðullinn Sigrún Lilja Guðjónsdóttir endurgerði myndina í samstarfi við tímaritið sáluga Séð og Heyrt fyrir nokkrum árum og tókst vel upp.

Heykvíslar á loft

Tvíhöfðabræðrunum Sigurjóni Kjartanssyni og Jóni Gnarr detta oft ótrúlegustu hlutir í hug og endurgerðu þeir til að mynda einu sinni málverkið American Gothic sem var málað af Grant Wood árið 1930.

Djúp tenging

Spéfuglinn Kathy Griffin samþykkti að taka þátt í myndaseríu listamannsins Tylers Shields árið 2017, en þá var grínarinn myndaður með blóðugt höfuð Donalds Trump Bandaríkjaforseta í hendi. Kathy var harðlega gagnrýnd fyrir að taka þátt í myndatökunni og á þeim tíma sem myndin kom upp á yfirborðið baðst hún afsökunar. Hún dró síðar afsökunarbeiðnina til baka og sneri þessu hneyksli upp í grín í uppistandinu Kathy Griffin: A Hell of a Story. Það má sjá líkindi með þessari mynd og kynningarmynd grínistans Björns Braga fyrir nýja uppistandssýningu þar sem leikkonan Anna Svava Knútsdóttir heldur á höfði hans. Mun sýningin að einhverju leyti fjalla um myndband sem kom upp á yfirborðið í fyrra þar sem Björn Bragi sást káfa á klofi unglingsstúlku.

Í þrusuformi

Hamborgarakóngurinn Tómas A. Tómasson, betur þekktur sem Tommi á Búllunni, blés til gjafaleiks á Instagram fyrir stuttu og endurgerði plötuumslag Auðs við plötuna Afsakanir í leiðinni.

Hermdi eftir Harrelson

Heimildamyndin Can’t Walk Way var frumsýnd árið 2016, en hún fjallar um líf tónlistarmannsins Herberts Guðmundssonar. Plakatið fyrir myndina var greinilega undir miklum áhrifum plakatsins fyrir kvikmyndina Natural Born Killers. Sú mynd kom út árið 1994 en á plakatinu má sjá stórleikarinn Woody Harrelson í hlutverki sínu í mynd sem sló rækilega í gegn.

Óléttar og allsnaktar

Leikkonan Aníta Briem prýddi forsíðu Lífsins, fylgirits Fréttablaðsins, í desember árið 2013. Aníta beraði óléttubumbuna, líkt og leikkonan Demi Moore gerði á forsíðu Vanity Fair árið 1991.

Í fótspor glæpamanns ástarinnar

Rapparinn og frumkvöðullinn Rick Ross státar af glæsilegum ferli. Hann sat eftirminnilega fyrir á forsíðu tónlistartímaritsins Rolling Stone árið 2012 undir fyrirsögninni Gangster of Love, eða glæpamaður ástarinnar. Sex árum síðar var komið að íslenska rapparanum Herra Hnetusmjöri að endurgera þessa brjáluðu forsíðu fyrir vikublaðið Mannlíf.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fókus
Fyrir 3 dögum

Drífa Snædal: Hrægammarnir reyna að endurskipuleggja auðinn

Drífa Snædal: Hrægammarnir reyna að endurskipuleggja auðinn
Fókus
Fyrir 4 dögum

Riley Keough heiðrar minningu bróður síns með húðflúri

Riley Keough heiðrar minningu bróður síns með húðflúri
Fókus
Fyrir 5 dögum

Tímavélin: „Æskilegt er að flugfreyjan sé lagleg og snotur í vexti“

Tímavélin: „Æskilegt er að flugfreyjan sé lagleg og snotur í vexti“
Fókus
Fyrir 5 dögum

„Eins gott að það hafi verið gaman á Rey Cup litlu skítarnir ykkar“

„Eins gott að það hafi verið gaman á Rey Cup litlu skítarnir ykkar“
Fókus
Fyrir 1 viku

Vikan á Instagram: „Ég get allt sem einhver maður gæti gert“

Vikan á Instagram: „Ég get allt sem einhver maður gæti gert“
Fókus
Fyrir 1 viku

Saman í 29 ár – Stundum kemur upp afbrýðisemi og tortryggni

Saman í 29 ár – Stundum kemur upp afbrýðisemi og tortryggni
Fókus
Fyrir 1 viku

Öllu gríni fylgir einhver afstaða

Öllu gríni fylgir einhver afstaða
Fókus
Fyrir 1 viku

Stjörnuspá vikunnar: Nú gjörsamlega rignir peningum yfir Tvíbura

Stjörnuspá vikunnar: Nú gjörsamlega rignir peningum yfir Tvíbura