Háskólinn í Reykjavík bauð í gær 170 erlenda skiptinema velkomna í skólann. Þeir koma frá meira en 20 löndum og segist Háskólinn afar stoltur af því að vera alþjóðlegur skóli.

Háskólinn greindi frá þessu í færslu á Facebook-síðu sinni í gær. Með færslunni var mynd sem vakið hefur athygli á netinu, en á henni má sjá þessa nemendur.

Nokkrir sniðugir netverjar hafa hinsvegar snúið skemmtilega út úr myndinni og segja að nemendurnir sem sjá má stefni á að falla í skólanum.

Þegar allir erum samstiga með markmið á komandi önn pic.twitter.com/tkTnhzR6Y8

— David Erik Mollberg (@davemol5) August 12, 2019

Ástæðan fyrir því er að nokkrir nemendanna héldu á spjöldum sem mynduðu textann „FALL 2019,“ sem vísar til þess að framundan sé haustönn, á árinu 2019. Fall þýðir nefnilega haust á ensku eins og eflaust margir vita.