Beastie Boys kærðu Quarashi á sínum tíma fyrir lagið Stick ’em Up. Beastie Boys töldu sig eiga réttinn á textanum en viðlagið í laginu hjá þeim var endurtekning á heiti lagsins. RÚV greinir frá þessu.

Steini í Quarashi greindi frá kærunni í fyrsta skipti opinberlega í nýrri þáttaröð Freys Eyjólfssonar á Rás 1, Skrímslin frá New York.

Lagið Stick ‘up Up eftir Quarashi kom út á plötunni Jinx árið 2002. Quarashi voru á þessum tíma í New York og Stick ’em Up var mikið í spilun.

„Stick ’em Up fær massa spilun á MTV og öllum útvarpsstöðvum og við erum að byrja að túra.“

„Ég hafði aldrei heyrt þetta lag, enda var það ekki á Beastie Boys plötu“

Málið fór fyrir dómstóla og endaði Quarashi í vil þar sem líkindin voru ekki jafn mikil og Beastie Boys vildu halda fram.

„Þarna var ég alveg fokk yeah maður, við erum að gera eitthvað rétt. Beastie Boys vita af okkur!“