Ragna Björg Ársælsdóttir hefur verið ráðin framkvæmdastjóri rekstrar (COO) hjá Imperio ehf. Um er að ræða nýja stöðu hjá ráðgjafarfyrirtækinu Imperio IT Sourcing, vaxandi fyrirtæki í upplýsingatækni með starfstöðvar á Íslandi og Noregi. Fyrirtækið tengir saman færni og þekkingu sérfræðinga frá Austur-Evrópu við vinnustaðamenningu Norðurlanda. Hvort sem er sem viðbót við innanhústeymi eða sértæk teymi í stuttan sem langan tíma.
Ragna Björg mun sinna daglegum rekstri, áætlanagerð, markaðsmálum og stjórnun alþjóðlegra verkefna. Hún mun þannig styrkja alhliða þjónustu milli samstarfsaðila frá sprotafyrirtækjum til innlendra eða erlendra stofnana og fyrirtækja.
Síðustu ár hefur Ragna Björg starfað hjá lækningavörufyrirtækinu Kerecis, nú síðast sem Forstöðumaður alþjóðlegrar vörustýringar. Ragna er hjúkrunarfræðingur að mennt með MPM gráðu í verkefnastjórnun.
