Þetta er að minnsta kosti mat Michael Hartnett, eins helsta sérfræðings bandaríska stórbankans Bank of America, að sögn Finans.
Hann segir að sú uppsveifla sem er á hlutabréfamörkuðunum núna minni á stöðuna 2000 og 2008 áður en markaðirnir hrundu. Nú getum við staðið frammi fyrir sömu stöðu að hans mati.
Eins og flestum Íslendingum er eflaust í minni þá hrundu íslensku bankarnir hver á fætur öðrum 2008 í kjölfar hruns Lehman Brothers fjárfestingabankans bandaríska.
Svipað gerðist 2000 þegar hin svokallaða Netbóla sprakk. Margir höfðu fjárfest í hlutabréfum netfyrirtækja en verð þeirra hækkaði gríðarlega árin á undan. En tekjur fyrirtækjanna voru ekki svo miklar og þegar þessi tálsýn brást lá leiðin beint niður á hlutabréfamörkuðunum.
Hartnett segir að nú stöndum við frammi fyrir svipaðri stöðu.
