Inga Sæland þingmaður og formaður Flokks fólksins segir í færslu á Facebook-síðu sinni að hún sé aldrei þessu vant kjaftstopp yfir þeirri þróun að algengara er orðið að fyrirtæki hér á landi neiti að taka við greiðslum, fyrir vörur og þjónustu, í reiðufé. Inga segist telja að um lögbrot sé að ræða og muni skoða hvort svo sé. Færsla Ingu er eftirfarandi:

„Nú eru landsmenn þvingaðir til að nota einungis kort? Man ekki betur en einhver hefði verið gerður burtreka úr pólitík þegar hann stakk einmitt upp á því að koma öllum viðskiptum í gegnum kortafyrirtæki. En sem sagt nú er ekki hægt að greiða ýmsa þjónustu með peningum lengur. Held reyndar að þar sé um lögbrot að ræða og ætla að skoða það ofan í kjölinn. Íslenska krónan er eitthvað sem við hengjum okkur í þannig að það er svolítið undarlegt að ekki megi nota hana í viðskiptum á einhverjum stöðum. Hvað finnst ykkur t.d um það? Ef við tækjum út launin okkar í peningum um hver mánaðarmót myndum við þá vera gerð burtreka úr einhverjum verslunum af því að við vildum ekki nota kort? Þetta er orðið svo galið að ég er kjaftstopp og gerist það nú ekki oft.“