fbpx
Þriðjudagur 17.maí 2022
EyjanFastir pennar

Heimir skrifar: Guði sé lof fyrir NATO

Heimir Hannesson
Sunnudaginn 27. febrúar 2022 19:01

Ekki missa af Helstu tíðindum dagsins í pósthólfið þitt

Lesa nánar

Vald er getan til þess að fá einhvern annan til þess að gera eða láta eitthvað ógert sem hann annars myndi ekki vilja gera. Íslendingar hafa enga burði til þess að beita valdi. Herlaust smáríki með afar takmarkaða burði til þess að beita efnahagslegum þvingunum gerir engum neitt. Það hefur ekkert vald. Þess í stað ákváðum við að sækja öryggi í samstarf ríkja þar sem við lögðum til það sem við höfðum fram að færa: Hugvit, sérfræðiþekkingu og nokkra hektara á Miðnesheiði.

Íslendingar eiga allt undir að alþjóðalög, reglur og strúktúr standi. Án þeirra erum við varnarlaus, vinalaus og ein. Aðeins með því að stilla saman hagsmuni okkar við hagsmuni annarra voldugra ríkja tryggjum við öryggi okkar varanlega.

Íslendingar eiga þannig meira undir að brugðist sé harkalega við því þegar stórt og voldugt ríki þverbrýtur sjálfstæði minni þjóðar.

Öryggi okkar tryggjum við með veru í NATO. Eitthvað sem svokölluðum herstöðvaandstæðingum og stjórnmálaarmi þeirrar döpru hreyfingar hefur gengið illa að skilja í áratugi. Nú rofar kannski eitthvað til í þeim málum.

Þetta fólk, sem klappað hefur sjálfum sér á bakið í þrjá áratugi fyrir að hafa orðið fyrst til að viðurkenna sjálfstæði Eystrasaltsríkjanna, sjá ekki, eða kjósa að sjá ekki, að án hernaðarbandalagsins NATO væru sjálfstæðisyfirlýsingar sem Íslendingar viðurkenndu innihaldslausar með öllu.

Í dag tryggir NATO öryggi þessara þjóða, rétt eins og okkar hér á hjara veraldar.

Þrátt fyrir þessar staðreyndir sem ég nefni að ofan hafa andstæðingar NATO hér á landi og í Evrópu í áratugi gert sitt allra besta til þess að veikja bandalagið innan frá. Afleiðingar þess eru nú öllum ljósar.

Samtök herstöðvaandstæðinga fordæmdu að sjálfsögðu innrásina á dögunum. Sú fordæming er í besta falli tragíkómík, enda ófriður fyrirsjáanleg afleiðing þeirra eigin stjórnmálastefnu.

Heimsmynd hernaðarandstæðinga um að halda megi refnum úr hænsnakofanum með því að biðja hann fallega um að láta hænurnar vera hlýtur nú að vera hrunin. Hvað tekur við hjá þeim ágæta félagsskap er óljóst. Ég mæli með kleinubakstri og góðri bók.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

EyjanFastir pennar
Fyrir 3 dögum
Framtíð menntunar

Pennar

Mest lesið

Nýlegt

Aðsendar greinarFastir pennar
Fyrir 3 vikum

Alls ekki tala um Bjarna

Alls ekki tala um Bjarna
Aðsendar greinarFastir pennar
13.04.2022

Öfgar skrifa: Leiðbeiningar að þolendavænni orðræðu fjórða valdsins

Öfgar skrifa: Leiðbeiningar að þolendavænni orðræðu fjórða valdsins
Aðsendar greinarFastir pennar
11.04.2022

Öfgar skrifa: Afleiðingar ofbeldis sem fjórða valdið beitir þolendur

Öfgar skrifa: Afleiðingar ofbeldis sem fjórða valdið beitir þolendur
EyjanFastir pennar
22.03.2022

Heimir skrifar: Einfalt (og flókið) verkefni Hildar í Reykjavík

Heimir skrifar: Einfalt (og flókið) verkefni Hildar í Reykjavík
EyjanFastir pennar
20.03.2022

Björn Jón skrifar: Augljósir gallar prófkosninga

Björn Jón skrifar: Augljósir gallar prófkosninga
EyjanFastir pennar
14.02.2022

Björn Jón skrifar: Skylda okkar að verja fullveldi Úkraínu

Björn Jón skrifar: Skylda okkar að verja fullveldi Úkraínu
EyjanFastir pennar
06.02.2022

Björn Jón skrifar: Framhaldsskólanemar þurfa að skemmta sér

Björn Jón skrifar: Framhaldsskólanemar þurfa að skemmta sér
EyjanFastir pennar
23.01.2022

Björn Jón skrifar: Við þurfum að virkja meira

Björn Jón skrifar: Við þurfum að virkja meira
EyjanFastir pennar
23.01.2022

Björn skrifar: Ótrúleg upplifun úr stúkunni í Búdapest – Íslendingar heilluðu alla í höllinni

Björn skrifar: Ótrúleg upplifun úr stúkunni í Búdapest – Íslendingar heilluðu alla í höllinni