fbpx
Laugardagur 13.september 2025
Eyjan

NATO sendir herskip í Eystrasalt vegna vaxandi spennu – „Erum hér til að sýna samstöðu“

Kristján Kristjánsson
Mánudaginn 17. janúar 2022 07:00

HNLMS_Rotterdam. Mynd:Kees Torn, Wikimedia

Ekki missa af Helstu tíðindum dagsins í pósthólfið þitt

Lesa nánar

NATO hefur sent herskipið HNLMS Rotterdam inn í Eystrasalt vegna vaxandi spennu þar. Svíar sendu í síðustu viku fjölda hermanna og hernaðartækja til Gotlands sem er sænsk eyja í Eystrasalti. Gotland er mjög mikilvæg eyja vegna staðsetningar sinnar en sá sem ræður yfir henni er í lykilstöðu varðandi umferð um Eystrasalt. Svíar gripu til þessara aðgerða vegna vaxandi umsvifa og ágengni Rússa í Eystrasalti. Þeir hafa til dæmis sent 6 landgönguskip þangað á síðustu dögum.

Aftonbladet segir að nú hafi NATO einnig brugðist við og sent HNLMS Rotterdam inn í Eystrasalt og sé skipið nú nærri Gotlandi. „Við erum að sýna að við erum þarna og til að sýna samstöðu,“ sagði talsmaður NATO í samtali við Aftonbladet.

HNLMS Rotterdam er frá hollenska flotanum. Það sigldi í gegnum Eyrarsund á laugardaginn og er nú sunnan við Borgundarhólm, sem er dönsk eyja. Skipið er flaggskip hraðaðgerðasveita NATO, Standing NATO Maritime Group 1, og er byggt til að þyrlur geti lent á því og landgönguskip lagt að því.

NATO segir að skipið sé nú í Eystrasalti til að fylgjast með stöðu mála þar.

Aftonbladet hefur eftir Magnus Christiansson, hjá sænska Varnarmálaháskólanum, að það sé ekki óvenjulegt að NATO sé með skip í Eystrasalti. Hins vegar sé tímasetningin núna tengd hinni miklu spennu sem ríkir í Evrópu vegna liðsafnaðar Rússa við úkraínsku landamærin og krafna þeirra til NATO um að bandalagið taki ekki fleiri ríki inn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Vilhjálmur bálreiður út í ríkisstjórnina

Vilhjálmur bálreiður út í ríkisstjórnina
EyjanFastir pennar
Fyrir 3 dögum

Thomas Möller skrifar: Stöðugleiki skiptir mestu máli

Thomas Möller skrifar: Stöðugleiki skiptir mestu máli
EyjanFastir pennar
Fyrir 1 viku

Svarthöfði skrifar: Blásið til sóknar fyrir alla – ekki bara Range Rover, Benz og Porsche liðið heldur alla

Svarthöfði skrifar: Blásið til sóknar fyrir alla – ekki bara Range Rover, Benz og Porsche liðið heldur alla
EyjanFastir pennar
Fyrir 1 viku

Nína Richter skrifar: Popúlismi er tæki og við erum fólk

Nína Richter skrifar: Popúlismi er tæki og við erum fólk