Líneik Anna Sævarsdóttir, annar varaforseti Alþingis, fipaðist nokkuð í forsetastólnum á Alþingi um klukkan 23:30 í gærkvöldi. „Háttvirtur þingmaður er fallin frá,“ sagði Líneik og var þá að tala um Helgu Völu Helgadóttur, þingflokksformann Samfylkingarinnar.
Það leið ekki langur tími þar til Líneik gerði sér grein fyrir mistökum sínum en þá leiðrétti hún sig. „Þá frá orðinu,“ sagði hún og hló sjálf. Fjöldi þingmanna í þingsalnum hló svo í kjölfarið með henni að þessum mistökum.
Vísir birti klippu á vef sínum af þessu atviki en Helga Vala endurbirti klippuna á Facebook-síðu sinni. „Sögur af andláti mínu eru stórlega ýktar,“ segir Helga Vala svo í færslunni.
Hér fyrir neðan má sjá klippuna sem um ræðir: