fbpx
Þriðjudagur 03.ágúst 2021
Eyjan

Vigdís segir vitundarvakningu fyrir grunnskólabörn vera heilaþvott sem byggi á hræðsluáróðri

Jón Þór Stefánsson
Mánudaginn 5. júlí 2021 10:21

Vigdís Hauksdóttir. Mynd/Eyþór

Ekki missa af Helstu tíðindum dagsins í pósthólfið þitt

Lesa nánar

„Loftslagsmál eru stærsta og afdrifaríkasta viðfangsefni heimsbyggðarinnar um þessar mundir og þörf er á róttækum aðgerðum ef markmið alþjóðasamfélagsins eiga að ná fram að ganga.“

Þetta kemur fram í bókun frístundafulltrúa meirihlutans í borginni úr bréfi skóla- og frístundaráðs, sem var lagt fram á borgarstjórnarfundi í síðustu viku. Til stendur að skerpa á vitundarvakningu um loftlagsmál fyrir nemendur og starfsfólk grunnskóla Reykjavíkur. Verkefnið á að snúast um fræðslu og fjölbreytta verkefnavinnu nemenda er varða loftlagsmál.

Ekki voru allir á eitt sáttir um efni bréfsins, en Vigdís Hauksdóttir borgarfulltrúi Miðflokksins tjáði óánægju sína. Hún segir fyrirhuguða vitundarvakningu vera pólitískan rétttrúnað og heilaþvott sem byggi á hræðsluáróðri. Þetta kemur fram í bókun sem hún lagði fram á fundinum.

Vigdís minnist meðal annars á mál sem hún kvartaði mikið yfir árið 2019, þegar nemendum vinnuskólans stóð til boða að fara í loftslagsverkföll og gera fyrir þau kröfuspjöld. Þá telur hún að fræðsla sem þessi muni auka loftslagskvíða barna.

Bókun Vigdísar var eftirfarandi:

„Mikilvægt er að stunda ekki pólitískan rétttrúnað eða heilaþvott í grunnskólum Reykjavíkur sem byggir á hræðsluáróðri. Minnt er á að börn í Vinnuskóla Reykjavíkur voru fyrir stuttu æfð í að útbúa mótmælaskilti og send í kröfugöngu og fóru stjórnendur Vinnuskólans þar langt út fyrir hlutverk sitt. Grunnskólar eru skólar. Í 13. gr. laga um grunnskóla segir: „Nemendur eiga rétt á því að njóta bernsku sinnar í öllu starfi á vegum skólans.“ Kvíði og vanlíðan er algeng hjá grunnskólabörnum og ekki er á það bætandi að bæta við „loftslagskvíða“ í skyldunámi.“

Hægt er að lesa bréf skóla- og frístundaráðs hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 1 viku

„Skynsamlega málamiðlun“ segir Björn Ingi hjá Viljanum – „Þrátt fyrir allt frekar mildar takmarkanir“

„Skynsamlega málamiðlun“ segir Björn Ingi hjá Viljanum – „Þrátt fyrir allt frekar mildar takmarkanir“
Eyjan
Fyrir 1 viku

Samfélagsmiðlar loga vegna ákvörðunar ríkisstjórnarinnar – Þjóðin tekur hertar aðgerðir í sátt

Samfélagsmiðlar loga vegna ákvörðunar ríkisstjórnarinnar – Þjóðin tekur hertar aðgerðir í sátt
Eyjan
Fyrir 1 viku

RÚV býður auglýsendum að kaupa brandara á tæpar 30 þúsund krónur

RÚV býður auglýsendum að kaupa brandara á tæpar 30 þúsund krónur
Eyjan
Fyrir 1 viku

Spáir að ríkisstjórnin muni springa vegna Þórólfs

Spáir að ríkisstjórnin muni springa vegna Þórólfs