Hallgrímur Helgason, rithöfundur, er ekki sáttur með lista Sósíalistaflokksins en búið er að tilkynna tvo lista, í Reykjavík suður og Suðvesturkjördæmi.

Sjá meira: Svona stillir Sósíalistaflokkurinn upp í Reykjavík suður – Katrín Baldursdóttir í efsta sætinu – María Lilja og Bára á lista

Í færslu sem hann birtir á Twitter-síðu sinni segir hann að enginn úr verkalýðsstétt sé á listanum.

„Þetta er bara hin galandi millistétt eins og hjá okkur í Samfylkingunni. Kennarar, laganemar og listamenn,“ skrifar Hallgrímur. Hann segir að öryrkjar, láglaunafólk og erlent verkafólk sé ósýnilegt nema hjá Ingu Sæland í Flokki fólksins.

Vonbrigði með lista Sósíalista í Rvk. Enginn úr verkalýðsstétt. Þetta er bara hin galandi millistétt eins og hjá okkur í Samfylkingunni. Kennarar, laganemar og listamenn… Öryrkjar, láglaunafólk og erlent verkafólk áfram ósýnileg í íslenskum stjórnmálum, nema hjá Ingu Sæland.

— Hallgrímur Helgason (@HalgrimHelgason) August 3, 2021

Á dögunum skrifaði Kjartan Valgarðsson, formaður framkvæmdastjórnar Samfylkingarinnar, grein á Vísi þar sem hann sagði Samfylkinguna vera flokk verkalýðsins. Ekki voru allir sáttir með þessi orð Kjartans og skrifaði Viðar Þorsteinsson í Eflingu grein gegn orðum Kjartans.

Sjá einnig: Vinstri menn fljúgast á – Lætur Kjartan og Dag heyra það

Hallgrímur er sjálfur í 12. sæti á lista Samfylkingarinnar í Reykjavík norður og hefur átt sæti á lista hjá þeim nokkrum sinnum.