Ummæli sem Guðmundur Franklín Jónsson forsetaframbjóðandi lét falla í umræðum á Facebook fyrir skömmu hafa vakið töluverða athygli en þar virðist hann hóta starfsmönnum RÚV og gefa til kynna að hann búi yfir viðkvæmum upplýsingum um þá.
Guðmundur var í viðtali í Silfrinu í dag og var þá mjög ósáttur við eina spurningu spyrilsins, Fanneyjar Birnu Jónsdóttur. Útsendingin var eftir að Guðmundur hafði birt umrædd ummæli á Facebook.
Facebook-ummælin eru nokkurn veginn eftirfarandi:
„RÚV treysti ég ekki yfir götuna, því hér er um að ræða fyrrverandi starfsmann þeirra til áraraða, nefnilega Guðn Th. Þeir koma til með að gera allt sem í þeirra valdi stendur til að sverta mig og niðurlægja. Því miður bítur það ekki á mig og ég hef stóra vopnageymslu af upplýsingum um allt þetta fólk og hika ekki við að nota ef þörf krefur.