fbpx
Sunnudagur 05.apríl 2020
Eyjan

Frosti segir orð Þórólfs ekki standast skoðun – „Ekki gild ástæða til að leyfa útbreiðslu“

Ritstjórn Eyjunnar
Föstudaginn 20. mars 2020 12:00

Ekki missa af Helstu tíðindum dagsins í pósthólfið þitt

Lesa nánar

Frosti Sigurjónsson, viðskiptafræðingur og fyrrverandi þingmaður Framsóknarflokksins, fer mikinn þessa dagana á samfélagsmiðlum, en hann telur aðgerðir ríkisstjórnarinnar vegna Covid-19 faraldursins flestar rangar og hefur hann gagnrýnt bæði orð og aðgerðir yfirvalda, meðal annars í opnu bréfi til Katrínar Jakobsdóttur forsætisráðherra.

Sjá nánar: Frosti segir lækna vera mjög uggandi í opnu bréfi til Katrínar – „Er það bara ásættanlegt?“

Stenst ekki skoðun

Í gærkvöldi skrifaði hann síðan færslu þar sem hann rengir orð Þórólfs Guðnasonar sóttvarnarlæknis í Silfrinu á sunnudag.

Þar sagði Þórólfur að ef beitt yrði afar hörðum aðgerðum nú til að koma í veg fyrir smit, þar sem engin sýking yrði leyfð í samfélaginu, myndi veiran einungis brjótast fram síðar, til dæmis í sumar eða jafnvel á næsta ári.

„Þessa sömu ástæðu gefa kollegar hans í nágrannaríkjum okkar. En hún stenst ekki skoðun,“

segir Frosti og bætir við:

„Toppur kemur þá seinna“ er ekki gild ástæða til að leyfa útbreiðslu veiru sem getur valdið alvarlegum veikindum hjá 10% og jafnvel dauða hjá 1% þeirra sem smitast.“

Fjórar ástæður Frosta

Því næst setur Frosti fram fjórar ástæður þess að skynsamlegt sé að stoppa veiruna strax með harðari aðgerðum:

1) Þá gefst okkur tími til að afla betri þekkingar á veirunni og sjúkdómnum. Tími til að þróa lyf og lækningar þannig að sjúkdómurinn verði léttari þeim sem smitast.

2) Það er ekki enn vitað hvort þeir sem smitast mynda gott ónæmi gegn frekari sýkingum. Veiran hefur stökkbreyst og ekki vitað hvort hjarðónæmi skapast, hvað þá fyrir öllum afbrigðum. Betra væri að byggja upp hjarðónæmi, þegar vitað er að það sé yfirleitt mögulegt og eftir að lyf eru komin til að hjálpa þeim sem veikjast illa.

3) Það er hægt að koma í veg fyrir toppa síðar. Gátkerfi verða í gangi til að varna því að veiran komist aftur á fullan skrið. Viðbragsðáætlanir gangsettar. Hreinlæti, skjót viðbrögð, skimun, smitrakning og sóttkví mun stöðva veiruna áður en hún smitar marga.

4) Skimað reglubundið með úrtaksaðferð til að grípa smit áður en þau brjótast út. Skimun á landamærum og fleira.

Mér finnst öll rök mæla með því að stöðva þessa veiru sem allra fyrst, áður en hún veldur meira tjóni.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Yfirlæknir á Landspítalanum – „Hvernig er hægt að fara á fætur og horfa á sjálfan sig í spegli þegar maður ber ábyrgð á þeirri ákvörðun?“

Yfirlæknir á Landspítalanum – „Hvernig er hægt að fara á fætur og horfa á sjálfan sig í spegli þegar maður ber ábyrgð á þeirri ákvörðun?“
Eyjan
Fyrir 2 dögum

Kínverjar banna hunda og kattaát

Kínverjar banna hunda og kattaát
Eyjan
Fyrir 3 dögum

Leggur til stofnun sérstaks Geðráðs þar sem staðan muni aðeins versna – „Gleymum ekki geðheilsu í björgunarpökkunum“

Leggur til stofnun sérstaks Geðráðs þar sem staðan muni aðeins versna – „Gleymum ekki geðheilsu í björgunarpökkunum“
Eyjan
Fyrir 3 dögum

Morgunblaðið – „Alþýðusambandið er bersýnilega úr tengslum við efnahagslegan veruleika“

Morgunblaðið – „Alþýðusambandið er bersýnilega úr tengslum við efnahagslegan veruleika“