Sunnudagur 08.desember 2019
Eyjan

Svona tengist Andrés prins Icesave og Íslandi

Ritstjórn Eyjunnar
Mánudaginn 2. desember 2019 10:08

Viðtal Andrew við BBC var ekki talið sannfærandi.

Ekki missa af Helstu tíðindum dagsins í pósthólfið þitt

Lesa nánar

Breskir fjölmiðlar fjalla nú um hvernig Andrés prins hafi verið viðriðinn vafasama viðskiptahætti á árunum í kringum hrun. Er hann sagður hafa nýtt stöðu sína til að koma á viðskiptasamböndum, þrátt fyrir augljósa hagsmunaárekstra og farið ítrekað út fyrir valdsvið sitt.

Hafa forystumenn í Íhaldsflokknum sem og Verkamannaflokknum krafist opinberar rannsóknar á viðskiptaháttum prinsins, sem þegar hefur verið settur út af sakramentinu hjá konungsfjölskyldunni vegna framgöngu hans í viðtali á dögunum hvar hann þótti hafa spilað rassinn úr buxunum er hann reyndi af veikum mætti að verjast ásökunum um kynferðislegt samneiti sitt við stúlkur á barnsaldri, en Andrés var vinur Jeffrey Epstein, auðkýfingins sem talinn var höfuðpaur mansalhrings og svipti sig lífi í fangelsi.

Rowland feðgar

Andrés var í viðskiptasambandi við þá feðga David og Jonathan Rowland um að fjárfesta í gegnum félög í skattaskjólum þar sem Andrés gat í krafti stöðu sinnar komið á frekari viðskiptasamböndum við margt af ríkasta fólki heims, til dæmis í miðausturlöndum.

Meðal þess sem Andrés var nýttur til, var að kynna Banque Havil­l­and í Lúx­em­borg sem álitlegan fjárfestingakost, en bankinn var í eigu Rowland feðganna.

Sá banki var hinsvegar undir öðru nafni fyrir hrun, hét þá Kaupthing Bank Luxembourg.

Rowland fjölskyldan var einnig meðal stærstu eigenda MP-banka árið 2011 og á margvísleg tengsl við íslenska fjárfesta.

Andrés leyfði Jonathan meðal annars að koma með sér í viðskiptaferð til Kína, borgaða með bresku skattfé. Þar gat Jonathan fundað og komið á viðskiptatengslum, í skjóli bresku konungsfjölskyldunnar, nokkuð sem bauðst ekki öllum.

Andrés og Icesave

Samkvæmt Daily Mail fékk Jonathan leynilegt minnisblað  frá breska fjármálaráðuneytinu varðandi fjármálakreppuna hér árið 2009, en nokkrum mánuðum fyrr hafði Rowland fjölskyldan keypt Kaupþing í Lúxemborg.

Þegar Andrési var gert að hætta sem erindreki bresku krúnarinnar í kjölfar Epstein hneykslisins, lagði Jonathan til við hann að þeir reyndu að fela viðskiptasambönd sín og koma þeim undan eftirliti. Andrés svaraði þessu í tölvupósti og sagðist ánægður með þá tillögu.

Andrés vildi einnig fylgjast vel með þróun mála árið 2009 þegar Icesave málið stóð sem hæst. Hægri hönd Andrésar, Amanda Thirsk, sendi beiðni á háttsetta aðila í fjármálaráðuneytinu um að fá upplýsingar um stöðu mála varðandi Icesave samningana, en í einu slíku samkomulagi átti Ísland að greiða Bretlandi 2.3 milljarða punda. Var það síðan fellt í þjóðaratkvæðisgreiðslu hér á Íslandi.

Fram kemur í tölvupóstinum að Andrés hafi hitt þáverandi forsætisráðherra Íslands, Jóhönnu Sigurðardóttur, og vilji nánari upplýsingar um stöðu mála. Sú beiðni var áframsend til ritara fjármálaráðherra, Alistair Darling. Fjármálaráðuneytið sendi síðan þau gögn til Thirsk, sem sendi þau á Andrés. Andrés sendi síðan þau gögn til Jonathan Rowland og spyr hann hvað eigi nú til bragðs að taka áður en Rowland láti til skara skríða.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Hólmfríður finnur spillingarfnyk: „Skammist ykkar fyrir að fela ykkur á bak við þessa ljótu ohf-druslu“

Hólmfríður finnur spillingarfnyk: „Skammist ykkar fyrir að fela ykkur á bak við þessa ljótu ohf-druslu“
Eyjan
Fyrir 2 dögum

Ragnar Þór – „Þetta er bara angi af þessari djúpu spillingu“

Ragnar Þór – „Þetta er bara angi af þessari djúpu spillingu“
Eyjan
Fyrir 3 dögum

Hlemmur fær upplyftingu – Lækjartorg í niðurníðslu

Hlemmur fær upplyftingu – Lækjartorg í niðurníðslu
Eyjan
Fyrir 3 dögum

Lýsir andláti Halldórs Ásgrímssonar: „Hringdum strax á neyðarlínuna“

Lýsir andláti Halldórs Ásgrímssonar: „Hringdum strax á neyðarlínuna“