Föstudagur 13.desember 2019
Eyjan

Alþingi sendir tvo karlmenn á Heimsþing kvenleiðtoga – „Ekki bara tveir gráir karlar“

Ritstjórn Eyjunnar
Þriðjudaginn 19. nóvember 2019 12:19

Ekki missa af Helstu tíðindum dagsins í pósthólfið þitt

Lesa nánar

Árlegt Heimsþing kvenleiðtoga, Reykjavík Global Forum – Women Leaders, verður haldið hér á landi þann 18.- 20. nóvember í Hörpu. Til þingsins er boðið alþjóðlegum kvenleiðtogum úr stjórnmálum, auk kvenleiðtoga úr viðskiptum, menningu, vísindum, tækni og fleiri sviðum þjóðlífsins. Þingið er haldið í samstarfi heimssamtaka kvenleiðtoga – WPL, hvar Hanna Birna Kristjánsdóttir er stjórnarformaður, ríkisstjórnar Íslands og Alþingis.

Um 450 kvenleiðtogar sækja þingið, þeirra á meðal eru forsetar og forsætisráðherrar víðsvegar úr heiminum, ásamt kvenleiðtogum úr öðrum geirum, í viðskiptalífinu, háskólasamfélaginu, listum og opinberri þjónustu.

Þátttakendur skrifstofu Alþingis á Heimsþingi kvenleiðtoga verða þeir Steingrímur J. Sigfússon, forseti Alþingis og Jörundur Kristjánsson, forstöðumaður á skrifstofu Alþingis. Þetta kemur fram á vef Alþingis og vekur Björn Leví Gunnarsson, þingmaður Pírata athygli á þessu á Facebook:

„Einmitt. Til hamingju Alþingi með þátttöku á heimsþingi kvenleiðtoga.“

Tekur Björn Leví síðan fram að hamingjuóskir hans séu kaldhæðni.

Skrifstofulegur misskilningur

Eyjan sendi fyrirspurn á Steingrím J. Sigfússon, forseta Alþingis vegna málsins, um hverju það sætti að fulltrúar Alþingis væru tveir karlmenn og hvort það skyti ekki skökku við.

Sagði hann um misskilning að ræða:

„Þetta sem er á vefnum er eingöngu innanhússkráning í skrifstofulegum skilningi. Þ.e. ég og Jörundur og okkar skrifstofa erum sú eining sem þátttaka Alþingis heyrir undir stjórnunarlega séð, við erum sem sagt ábyrgðaraðilar hér innanhúss,“

segir Steingrímur og bætti við að allar konur á Alþingi séu skráðar til þátttöku á þinginu. Hafi verið tekið mið af þessu í störfum þingsins svo þær gætu sótt viðburðinn, en Lilja Rafney Magnúsdóttir, þingmaður VG, mun flytja ræðu síðdegis fyrir Íslands hönd.

„Ég flutti stutta tölu á setningarathöfninni í morgun f.h. Alþingis sem er einn af gestgjöfunum ásamt með ríkisstjórninni og WPL samtökunum. Á þriðja tug starfsmanna Alþingis er úti í Hörpu til að aðstoða við ráðstefnuna auk þess sem margir gestir koma í þinghúsið þessa daga. Sem sagt, það eru aldeilis ekki bara tveir gráir karlar skráðir til þátttöku heldur akkúrat öfugt, allar þingkonur og Alþingi sem annar aðal gestgjafinn á móti ríkisstjórn undirlagt af atburðinum,“

segir Steingrímur í svari sínu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Styrmir: Hvar eru unglingahreyfingar stjórnmálaflokkanna?

Styrmir: Hvar eru unglingahreyfingar stjórnmálaflokkanna?
Eyjan
Fyrir 2 dögum

Styrmir ráðinn til Arion banka

Styrmir ráðinn til Arion banka
Eyjan
Fyrir 2 dögum

Kristján Þór lofar óháðri rannsókn – „Stórtíðindi“

Kristján Þór lofar óháðri rannsókn – „Stórtíðindi“
Eyjan
Fyrir 2 dögum

Auknar líkur á að klukkunni verði seinkað á Íslandi – Sjáðu umsagnir þjóðarinnar

Auknar líkur á að klukkunni verði seinkað á Íslandi – Sjáðu umsagnir þjóðarinnar
Eyjan
Fyrir 3 dögum

Fjallar um vafasöm vinnubrögð Bjarna Ben og Samherja í grein um spillingu

Fjallar um vafasöm vinnubrögð Bjarna Ben og Samherja í grein um spillingu
Eyjan
Fyrir 3 dögum

Eldri leikskólakennarar sárir eftir nýfallinn dóm: „Eru þetta þakkirnar eftir 38 ára starf?“

Eldri leikskólakennarar sárir eftir nýfallinn dóm: „Eru þetta þakkirnar eftir 38 ára starf?“