Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, lagði í dag fram á Alþingi frumvarp til laga sem beint er gegn ólöglegum smálánum. Meðal markmiða frumvarpsins er að koma í veg fyrir að lántökukostnaður vegna smálána fari fram úr því sem leyfilegt er samkvæmt íslenskum lögum. Lögin munu veita stjórnvöldum heimild til að fá upplýsingar um starfsemi smálánafyrirtækja.
Í fyrstu grein frumvarpsins segir:
„Ekki er heimilt að semja um eða bera fyrir sig kjör sem eru neytanda óhagstæðari en leiðir
af lögum þessum.Ekki er heimilt að semja um eða bera fyrir sig að lög annars ríkis takmarki þá vernd sem
neytandi nýtur samkvæmt ófrávíkjanlegum ákvæðum laga þessara.“
Þá segir enn fremur að ef lánafyrirtækin brjóti gegn þessu sé lántaka ekki skylt að greiða heildarlántökukostnað.