Donald Trump, Bandaríkjaforseti, virðist senda Gretu Thunberg, hinni 16 ára gömlu stúlku frá Svíþjóð sem vakið hefur athygli fyrir baráttu sína gegn hamfarahlýnun, kaldhæðnispillu á Twitter, eftir að hún hélt eldræðu yfir allsherjarþingi Sameinuðu þjóðanna í gær hvar hún sakaði stjórnmálamenn um að hafa stolið æsku sinni með aðgerðarskorti sínum gegn hlýnun jarðar.
Trump var viðstaddur í höfuðstöðvum Sameinuðu þjóðanna og gekk framhjá Thunberg án þess að virða hana viðlits, meðan hún gaf honum illt auga, en Trump sagði eftirfarandi um Thunberg á Twitter seint í gærkvöldu að bandarískum tíma:
„Hún virðist hamingjusöm ung stúlka, sem hlakkar til bjartrar og dásamlegrar framtíðar. Svo indælt að sjá!“
Thunberg hefur fengið mikið lof fyrir ræðu sína, en hún er með Asperger greiningu og hefur almenningur úthúðað Bandaríkjaforseta á samfélagsmiðlum fyrir tíst hans, þar sem hann virðist senda Thunberg kaldhænissneið. Er Trump er ýmist sagður í mínus yfir að barn sé betra í ræðulist en hann sjálfur (það þurfi nú ekki mikið til) eða illur leiðtogi sem bregðist við eins og 10 ára barn sem hafni vísindalegum staðreyndum.
She seems like a very happy young girl looking forward to a bright and wonderful future. So nice to see! https://t.co/1tQG6QcVKO
— Donald J. Trump (@realDonaldTrump) September 24, 2019
Sjá einnig: Trump rekst á Gretu Thunberg en þau heilsast ekki
