Þórsteinn Ragnarsson, formaður Kirkjugarðasambands Íslands, segir í nýjasta tölublaði Bautasteins, sem er málgagn sambandsins, að miðað við nýjustu fjármálaáætlun ríkisstjórnarinnar verði ekki betur séð en að niðurskurðurinn á framlagi ríkisins til kirkjugarða frá 2020-2024 verði 40 prósent, sé miðað við samkomulag kirkjugarða og ríkisins frá 2005:

„Lengra verður ekki gengið í þeim efn­um,“

segir Þórsteinn sem nefnir einnig að hækka þurfi ársframlagið til kirkjugarða um 460 milljónir króna til að bæta upp þá skerðingu sem kirkjugarðar urðu fyrir í kjölfar hrunsins 2008.

Árið 2005 var samið um að ríkið fjármagnaði öll útgjöld kirkjugarða vegna lögbundinn a verkefna þeirra, á grundvelli einingarverðs fyrir einstaka verkþætti og var samið um nýtt gjaldalíkan milli Kirkjugarðsráðs og fjármálaráðuneytisins.

Í samantekt Morgunblaðsins kemur fram að samkvæmt útreikningum hafi skerðingin til kirkjugarða numið 3.4 milljörðum á árunum 2009-2018, sé miðað við samkomulagið við ríkið frá 2005.

Árið 2016 voru 20 stærstu kirkjugarðarnir á Íslandi allir reknir með tapi, nema þrír, en alls eru á Íslandi um 250 kirkjugarðar. Yfir þeim eru eru 236 ólaunaðar stjórnir, en stærsti útgjaldaliðurinn er launakostnaður starfsmanna, eða 82% af lögbundnum tekjum hjá stærstu kirkjugörðunum.

Þórsteinn segir í grein sinni að ekkert hafi gengið að ræða við ráðherra og embættismenn um málið, en stjórn Kirkjugarðasambandsins fékk til dæmis almannatengil til þess að aðstoða sig, án árangurs.