Vigdís Hauksdóttir, fyrrum þingmaður Framsóknarflokksins, verður oddviti Miðflokksins í Reykjavík fyrir komandi borgarstjórnarkosningar í maí. Þetta var opinberað í opnunarteiti skrifstofu flokksins á Suðurlandsbraut nú í kvöld.

Vigdís segir í samtali við Morgunblaðið að það sé verk að vinna í borginni og hún hafi ekki verið lengi að ákveða sig þegar þetta kom til, að verða borgarstjóraefni Miðflokksins:

„Það er mik­ill meðbyr með flokkn­um á höfuðborg­ar­svæðinu, ég hef fundið það síðastliðna mánuði. Við unn­um auðvitað mik­inn kosn­inga­sig­ur í Alþing­is­kosn­ing­un­um og sá meðbyr hefur haldið. Ég var raun­veru­lega bara að sinna því kalli að halda þess­ari sig­ur­göngu flokks­ins áfram,“

segir Vigdís við Morgunblaðið.

Vigdís var veislustjóri hjá Miðflokknum á kosningavöku Miðflokksins í október og hefur síðan verið orðuð við Miðflokkinn, en hún hefur verið afar náin formanninum Sigmundi Davíð síðan þau voru saman í Framsóknarflokknum.

Vigdís, sem var formaður fjárlaganefndar, hætti á þingi árið 2016.

Lokafrestur til að skila inn öðrum framboðum rennur út laugardaginn 17. febrúar klukkan 12. Efstu sex frambjóðendurnir verða svo kynntir til leiks þann 24. febrúar.