Ekki sjá margir jákvæðar hliðar á því veðurfari sem ríkt hefur á landinu undanfarið, alltént ekki á suðvesturhorninu. Ekki einu sinni Helgi Björns getur sagt að rigning í slíku magni sé á nokkurn hátt góð.

Máske hefur þessi vaski starfsmaður borgarinnar á myndinni hér að neðan oftúlkað hið fornkveðna spakmæli, að rigningin sé góð fyrir gróðurinn og ákveðið að bæta um betur; meira sé betra.

Náðist þessi mynd af honum vökva blómin hjá Kolaportinu með vatnsslöngu, en einhverjir gætu haldið því fram að veðurguðirnir hefðu séð þeim fyrir nægri náttúrulegri vökvun undanfarið.

Eyþór Arnalds, oddviti Sjálfstæðisflokksins í borgarstjórnarminnihlutanum, var fljótur að endurtísta myndinni á Twitter, en hún mun væntanlega verða notuð sem sönnunaragn A þegar Eyþór fer að gagnrýna forgangsröðunina hjá borgarstjórnarmeirihlutanum í haust.

Skrifar Eyþór í hæðnistón:

„Það veitir víst ekki af vökvun…“

það veitir víst ekki af vökvun… https://t.co/Z0j3Sclj7Z

— Eythor Arnalds (@eythorarnalds) July 12, 2018