Vigdís Hauksdóttir, oddviti Miðflokksins í Reykjavík, sat fyrir svörum í Beinni línu á DV nú fyrir stundu. Þar var hún spurð að því hvort hún gæti hugsað sér að vinna með Framsóknarflokknum í meirihluta, eftir allt sem á undan væri gengið hjá þessum tveimur flokkum:
„Ég treysti mér til samstarfs við alla,“
sagði Vigdís og og ítrekaði að lög um sveitastjórnarkosningar tilgreindu að framboðunum sé skylt að vinna saman í fjögur ár eftir að meirihluti sé myndaður.
Þegar Vigdís var innt eftir því hvort það væri virkilega ekkert framboð sem henni hugnaðist alls ekki að vinna með þverneitaði hún því staðfastlega, en tók fram að samstarf snerist um málefni:
„Nei það er gott í öllum, samstarf snýst bara um málefni. En það eru ákveðin málefni sem ég mun aldrei koma til með að gefa eftir eins og hækkun frístundarkorts og gjaldfrjálsar skólamáltíðir,“
sagði Vigdís þá og ítrekaði að þessi tvö mál væru ófrávíkjanlegar kröfur af hálfu Miðflokksins til meirihlutasamstarfs.
Vigdís sagðist ennfremur ekkert hafa gefið eftir í markmiðum sínum að ná inn 4-6 mönnum í kosningunum á laugardaginn. Framboðið þarf þá að gefa vel í á lokasprettinum, því samkvæmt nýjust mælingum nær framboðið aðeins inn einum manni í borgarstjórn, með 6.5% fylgi.