Sveinbjörg Birna Sveinbjörnsdóttir óháður borgarfulltrúi, ætlaði að kalla framboð sitt til borgarstjórnar Reykjavík er okkar og hafði samband við rapparann Emmsjé Gauta til að fá að nota samnefnt lag í kosningabaráttunni. Hún fékk þvert nei frá Emmsjé Gauta sem vill ekki tengjast framboðinu.
[youtube https://www.youtube.com/watch?v=Pzxo66k84Ow]
Sjá einnig: Sveinbjörg Birna leiðir nýjan lista í Reykjavík: „Ég tvíeflist við allt mótlæti“
Í viðtali við Eyjuna í helgarblaði DV minntist Sveinbjörg Birna á nafnið:
„Það voru uppi ákveðnar vangaveltur með nafnið. Það komu auðvitað hugmyndir um Óháðir og flugvallarvinir sem mér fannst frekar klént. Stungið var upp á Reykjavík er okkar. Ég hafði samband við Emmsjé Gauta út af því og hann var frekar efins með það, sem ég skil nú alveg. En þetta skýrist allt á næstu dögum, Borgin okkar, Reykjavík, kemur vel til greina,“
sagði Sveinbjörg Birna. Emmsjé Gauti las viðtalið og kom því á framfæri á Twitter að hann vildi ekki tengjast framboði hennar.
Ég var ekki efins heldur handviss þegar ég hringdi í þig í kjölfar þess að þú tilkynntir bókaranum mínum að þú ætlaðir fulla ferð með slagorðið Reykjavík er okkar. Fyrrum stjórmálasaga þín er valdur þess að ég vil enga tengingu við þitt framboð. DV, Emmsjé er skrifað Emmsjé. pic.twitter.com/Q9cry9O4XZ
— Emmsjé (@emmsjegauti) April 23, 2018
„Ég var ekki efins heldur handviss þegar ég hringdi í þig í kjölfar þess að þú tilkynntir bókaranum mínum að þú ætlaðir fulla ferð með slagorðið Reykjavík er okkar. Fyrrum stjórnmálasaga þín er valdur þess að ég vil enga tengingu við þitt framboð,“ segir Emmsjé Gauti á Twitter.
Uppfært kl. 13.25
Sveinbjörg Birna sendi ritstjórninni eftirfarandi athugasemd:
„Varðandi Emmsjé Gauta fréttina, þá viðurkenndi hann alveg og vissi af því að hann ætti engan lagalegan rétt nafnanotkuninni. Rétturinn væri allur mín megin. Hann aftur á réttinn af laginu, það er alveg ljóst. Og ég tók tillit til vilja og óska listamannsins. Hann nefndi aldrei framboð mitt sérstaklega sem bann við því að nota stefið, heldur hafi hann neitað öllum stjórnmálaflokkum að tengja sig við hans tónlist.“
Sveinbjörg Birna spurði svo á Facebook hvort hann myndi ekki bara semja um það lag:
Af gefnu tilefni biður Eyjan Emmsjé Gauta afsökunar á að hafa skrifað nafn hans sem MC Gauti í viðtalinu við Sveinbjörgu Birnu um helgina. Er það hér með leiðrétt.
